'कोणाला माझी मदत लागल्यास मेसेज करा' रिया चक्रवर्तीने कोरोना पीडितांसाठी मदतीचा हात पुढे केला

मुंबई, (प्रबोधन न्यूज) - कोरोना विषाणूची दुसरी लाट अत्यंत घातक असून प्रत्यकजणच यात होरपळत आहे. देशात कोरोना संक्रमित लोकांचे रेकॉर्ड ब्रेकिंगचे प्रकार समोर येत आहेत. या पार्षवभमीवर बॉलिवूडमधील अनेक सेलिब्रिटींनी पीडितांच्या मदतीसाठी मदतीचा हात पुढे केला आहे. अलीकडेच सुष्मिता सेन आणि सोनू सूद लोकांच्या मदतीसाठी पुढे आले. त्याचबरोबर अभिनेत्री रिया चक्रवर्ती देखील गरजूंच्या मदतीसाठी पुढे आली आहे.

रिया चक्रवर्ती हिने तिच्या इंस्टाग्राम अकाउंटवर एक पोस्ट शेअर केली आहे. ज्यामध्ये तिने लिहिले आहे की, 'कठीण काळात फक्त एकताच कामी येते. आपण प्रत्येकास मोठी किंवा छोटी मदत करू शकता. मदत तर मदत असते. जर मी एखाद्या व्यक्तीला कोणत्याही प्रकारे मदत करू शकत असेन तर मला मेसेज द्या, मी माझे सर्वोत्तम प्रयत्न करेन. स्वतःची काळजी घ्या, नम्र व्हा, देव सर्वांना सामर्थ्य देवो. '

रियाची पोस्ट होतेय व्हायरल

रिया चक्रवर्तीची ही पोस्ट जोरदार व्हायरल होत आहे. विशेष म्हणजे अभिनेता सुशांतसिंग राजपूत याच्या निधनानंतर रिया सोशल मीडियावरून गायब झाली होती. पण गेल्या काही दिवसांपासून ती सोशल मीडियावर बरीच अ‍ॅक्टिव दिसत आहे. मात्र, रिया कोणतेही पोस्ट शेअर केल्यास सुशांतच्या चाहत्यांनी तिला ट्रोल करण्याची कोणतीही संधी सोडत नाहीत.